Policia e Shtetit publikoi listën me kandidatët për drejtues të policisë në qarqe. Siç rezulton në garë një pjesë e tyre janë drejtuesit aktualë, disa prej të cilëve me gjasë nuk do t'a shohin veten fitues, pasi më herët kanë garuar me Ilir Prodën për postin e drejtorit të Përgjithshëm të Policisë së Shtetit. NJOFTIMI Mbështetur në pikën 1, pikën 2, shkronja "c" dhe I" të nenit 55, pikën 3 dhe 4 të nenit 61, të ligjit Nr. 82/2024 "Për Policinë e Shtetit", Vendimin e Këshillit të Ministrave Nr. 641, datë 16.10.2024 "Për miratimin e rregullores për përzgjedhjen e kandidatit për zevendësdrejtor të përgjithshëm, drejtor të departamentit, drejtor të drejtorisë vendore dhe shef të komisariatit, në Policinë e Shtetit", si dhe në pikën 10 të urdhrit nr.1400, datë 21.10.2024, të Drejtorit të Përgjithshëm të Policisë së Shtetit, "Për shpalljen e thirrjes për konkurrim për pozicionin drejtor vendor i policisë, në Policinë e Shtetit”, njoftojmë se: Komisioni i Vlerësimit të Aplikimeve për përzgjedhjen e kandidatëve për drejtor të drejtorisë vendore, në Policinë e Shtetit, i përbërë nga 3 drejtues të lartë të Policisë së Shtetit, bën publike listën emërore, sipas rendit alfabetik, të punonjësve të Policisë që kanë shprehur interesin për të konkurruar për pozicionin "Drejtor i Drejtorisë Vendore”, në Policinë e Shtetit.
