Kryeministri Rama merr pjesë në Samitin e Liderëve të Ballkanit Perëndimor, dhe BE, i cili mbahet në Kotor, Mali i Zi, me fokus Planin e Rritjes së Ballkanit Perëndimor.
Në nisje të fjalës së tij Rama e cilësoi këtë projekt frymëzues, i cili do të hapë shtigje të reja për vendet e rajonit, ndërsa do të ndikojë në rritjen e tregtisë me vendet e BE.
Jam i zhgënjyer që Mali i ZI nuk ia doli të na priste me diell, por na mirëpriti me shiun gjerman. Pjesa tjetër çdo gjë është në rregull. Do zhvillojmë një seancë tjetër të këtij projekti frymëzues që do çelë shtigje të reja për të gjitha vendet e Ballkanit, për tregun e përbashkët të BE dhe për rritjen e tregtisë, ndërkohë që krijon mundësi të reja për qytetarët tanë.Ideja që brenda këtij viti mund të sigurohemi që transfertat financiare të qytetarëve tanë nga BE në vendet tona, do të jetë shumë më i lehtë pasi nuk do të kemi barrën e shpenzimeve që kanë pasur edhe dicka shumë pozitive. Sa i takon të tjerave duhet të punojmë" tha Rama
