Kryeministri Edi Rama mëngjesin e kësaj të enjte i është nënshtruar një ndërhyrje kirurgjikale. Diagnoza është hernie ingunale dhe operacioni është kryer në shërbimin e Kirurgjisë në Qendrën Spitalore Universitare "Nënë Tereza", nga doktor Arben Gjata. Ky i fundit është i pandehur për koncension e sterilizimit. Burimet për VNA bëjnë me dije se pas operacionit kreu i qeverisë ndodhet tek reanimacioni kirurgjikal, procedurë rutinë tani paos ka mbaruar ndërhyrja. Sipas të njëjtave burime i gjithë pavionin është nën mbikqyrje të fortë të policisë dhe Gardës, teksa mësohet gjithashtu se të gjitha operacionet e tjera janë shtyrë.
Në një reagim për media, QSUT bën me dije se:
Kryeministri Edi Rama aktualisht po i nënshtrohet një ndërhyrjeje kirurgjikale laparoskopike në Qendrën Spitalore Universitare “Nënë Tereza”. Ekipi mjekësor nën drejtimin e Prof. Dr. Arben Gjata po kryen ndërhyrjen kirurgjikale të hernies inguinale.
Pas përfundimit të ndërhyrjes, Kryeministri Rama pritet të kalojë natën e sotme në mjediset spitalore të QSUNT.
