Deputetët e opozitës tentuan të hyjnë në ambientet e Kuvendit të Shqipërisë pak minuta përpara fillimit të seancës plenare, por u ndaluan nga Garda e Republikës. Incidenti vjen një ditë pasi 24 deputetë u përjashtuan nga Këshilli i Etikës pas ngjarjeve të së hënës, ku para godinës së Kuvendit iu vu flaka karrigeve dhe u qëllua drejt kryeparlamentares Elisa Spiropali.
Sekretari i Përgjithshëm i Partisë Demokratike, Flamur Noka, dhe deputeti demokrat Bledion Nallbati u përjashtuan nga punimet e Kuvendit për 60 ditë. Kryetari i grupit të PD-së, Gazment Bardhi, gjithashtu u përjashtua për dy muaj, ndërsa 20 deputetë të tjerë u ndëshkuan me 40 ditë përjashtim. Deputeti Edi Paloka u përjashtua për 10 ditë kalendarike nga jeta parlamentare.
Përjashtimet erdhën pas incidenteve të dhunshme që kanë ndodhur jashtë ambienteve të Kuvendit, duke përkeqësuar më tej tensionet politike në vend.
