Anuela Ristani dhe dy nënkryetarët e tjerë të Bashkisë së Tiranës priten t’i nënshtrohen “aksionit” të dorëheqjeve të iniciuar nga Edi Rama.
VNA mësoi se Edi Rama ka përgatitur terrenin në mbledhjen me drejtuesit lokalë dhe deputetët e Tiranës për dorëheqjet dhe zëvendësuesit.
Çfarë u tha Edi Rama dy grave drejtuese të partisë së tij që nuk e tha në mbledhjen e zhvilluar me drejtuesit? A morën ato një detyrë të veçantë?
Ndoshta nuk është krejt rastësi që Balluku dhe Manastirliu kanë punuar të dyja me Edi Ramën në kohën kur ky i fundit drejtonte Bashkinë e Tiranës. Dhe të dy zonjat e njohin mirë modelin e qeverisjes së Bashkisë sipas shijes së Edi Ramës.
Me gjasë kjo lëvizje pritet të përcaktojë dhe datën e afërt të zgjedhjeve për kryetarin e Bashkisë së Tiranës.
Erion Veliaj në qeli është personi i vetëm që mund të nënshkruajë dorëheqjet dhe emërimet e reja. Por shefi i madh nuk do që ky proces të kalojë kurrsesi nga kryetari i Bashkisë në detyrë.
Tashmë që ka marrë komandën e drejtimit të Tiranës dhe të gjithë bashkive të vendit, Edi Rama nuk do të ketë më vartës të fuqishëm si Veliaj.
