Kreu i SPAK, Klodian Braho u përball me një sërë pyetjesh nga opozita. Mes të tjerave, ish-gjyqtari i dorëhequr Gjin Gjoni e pyeti nëse kanë nisur një hetim të drejtpërdrejtë për kryeministrin mbi librin e njohur tashmë “Albanian Files”. Gjithashtu, kreu i SPAK u sfidua se pse nuk është guxuar të thirret Rama asnjëherë për tu marrë në pyetje për asnjë çështje.
Gjin Gjoni: Është motiv i protestës. Mos vajtja dhe mos-thirrja e kryeministrit qoftë edhe si person që ka dijeni për hetimin (edhe për kullat, inceneratorët, etj) a ju vë në dyshim paanshmërinë tuaj?
A është nisur hetim nga ju për Albanian Files për kryeministrin?
Klodian Braho: Nuk kam komente për këtë kallëzim konkret. Nëse dikush ka prova, të vijë të na i sjellë. E them me bindje se asnjë person nuk është imun nga hetimet tona. Kushti është nevoja për hetim apo prova për vepër penale.
Gjin Gjoni: Të gjitha fijet të çojnë tek Rama. Nëse ju do ta pyesnit Ramën, do të rrisnit besueshmërinë edhe tek ata që janë në shesh.
