Kryeministri Edi Rama mblodhi drejtuesit politikë të qarqeve dhe kryebashkiakët socialistë në Pallatin e Kongreseve, Tiranë, në një takim që zgjati nga ora 14:00 deri në 15:20. Gjatë fjalës së tij, Rama theksoi rëndësinë e votës së diasporës në zgjedhjet parlamentare të vitit 2025 dhe kërkoi angazhimin maksimal të të gjitha strukturave për të siguruar pjesëmarrjen e lartë të emigrantëve shqiptarë.
Synimi i Kryeministrit nuk është vetëm sigurimi i një mandati të katërt, por edhe arritja e një rezultati më të thellë dhe me një diferencë të madhe krahasuar me zgjedhjet e kaluara.
Takimi u përqendrua në organizimin dhe përgatitjet për zgjedhjet e ardhshme, me qëllim mobilizimin e votuesve të diasporës dhe garantimin e pjesëmarrjes së tyre masive në procesin zgjedhor.
