Sot në orën 17:00, opozita do të zhvillojë një protestë kombëtare në Tiranë, duke paralajmëruar bllokimin e pesë zonave kryesore: rrethrrotullimi “Zogu i Zi”, Rruga e Elbasanit (tek Ura pranë Xhamisë), Sheshi Willson, Pallati me Shigjeta dhe Bashkia e Tiranës.
Protesta, e cila do të udhëhiqet nga drejtuesit e Partisë Demokratike dhe deputetët e saj, synon të kundërshtojë qeverinë aktuale përmes akteve të mosbindjes civile. Kreu i PD-së, Sali Berisha, ka theksuar se opozita refuzon dhunën dhe luftën guerile, duke zgjedhur rezistencën paqësore kundër asaj që e cilëson si “narko-regjim dhe diktaturë.”
Shpërndarja e protestuesve dhe përfaqësuesve në zonat kryesore:
1.Rrethrrotullimi “Zogu i Zi”
•Degët: Kamëz, Vorë, Durrës, Kavajë, Kukës, Rrogozhinë.
•Deputetë: Oerd Bylykbashi, Albana Vokshi, Ferdinand Xhaferri, etj.
•Kryesia: Floriana Garo, Gent Strazimiri, Fatbardha Kadiu, etj.
2.Rruga e Elbasanit (Ura pranë Xhamisë)
•Degët: Qarku Dibër, Elbasan, Korçë.
•Deputetë: Flamur Noka, Tomorr Alizoti, Jozefina Topalli, etj.
•Kryesia: Ivi Kaso, Edit Harxhi, Clirim Gjata, etj.
3.Sheshi Willson
•Degët: Qarku Fier, Berat, Vlorë.
•Deputetë: Gazment Bardhi, Bujar Leskaj, Luan Baçi, etj.
•Kryesia: Enno Bozdo, Keltis Kruja, Genc Deromemaj, etj.
4.Pallati me Shigjeta
•Degët: Qarku Lezhë, Shkodër.
•Deputetë: Agron Gjekmarkaj, Elda Hoti, Helidon Bushati, etj.
•Kryesia: Luciano Boçi, Bardh Spahia, Ledina Mandia, etj.
5.Bashkia e Tiranës
•Degët: Njësitë 7, 9, 10 dhe 14.
•Deputetë: Edi Paloka, Dhurata Çupi, Tritan Shehu, etj.
•Kryesia: Aldo Bumçi, Belind Këlliçi, Besart Xhaferri, etj.
Protesta pritet të shkaktojë bllokime të trafikut në këto pika, ndërsa forca të shumta policie janë mobilizuar për të siguruar rendin dhe sigurinë.
