Anëtarët e opozitës në Komisionin Hetimor për Sterilizimin kanë paraqitur një dokument zyrtar, duke kërkuar që këtë të mërkurë Kryeministri Edi Rama të dëshmojë në cilësinë e firmëtarit të Vendimit të Këshillit të Ministrave (VKM) për dhënien me koncesion të shërbimeve të sterilizimit. Opozita thekson se Rama ka mbështetur dhe promovuar publikisht këto koncesione, madje edhe pas fillimit të hetimeve penale nga organet e drejtësisë.
Po ashtu, në dokument kërkohet që këtë të mërkurë të dëshmojë edhe Vilma Nushi, pronarja e dy kompanive që janë pjesë e koncesioneve të hetuara nga Komisioni. Sipas deputetëve të opozitës, Nushi ka përfituar direkt dhe indirekt 1.5 milionë euro nga dividendi i këtyre kompanive.
Megjithatë, anëtarët e mazhorancës në Komision kanë refuzuar vazhdimisht thirrjen e Ramës dhe Nushit si dëshmitarë, një veprim që opozita e cilëson si të papajtueshëm me Vendimin e Gjykatës Kushtetuese për Ligjin mbi Komisionet Hetimore dhe me legjislacionin në fuqi.
[caption id="attachment_19602" align="alignnone" width="262"]
Screenshot[/caption]
[caption id="attachment_19603" align="alignnone" width="300"]
Screenshot[/caption]
