Detaje të reja kanë dalë në dritë lidhur me ngjarjen tragjike të regjistruar pasditen e kësaj të mërkure në bregdetin e Shëngjinit.
Sipas informacioneve paraprake, katër të rinj nga Kosova janë përfshirë nga dallgët dhe rrymat e forta të detit teksa ndodheshin në ujë. Ngjarja ka rezultuar fatale për dy prej tyre, të cilët kanë humbur jetën.
Burime nga vendngjarja bëjnë me dije se dy të rinjtë e tjerë janë nxjerrë nga deti dhe janë transportuar me urgjencë në spital, ku po marrin ndihmën mjekësore. Mësohet se gjendja e tyre shëndetësore paraqitet e rëndë.
Menjëherë pas sinjalizimit, në zonë kanë ndërhyrë forcat e kërkim-shpëtimit dhe shërbimet e Policisë së Shtetit, të cilat po punojnë për zbardhjen e plotë të rrethanave të ngjarjes dhe dokumentimin e saj.
Autoritetet vijojnë hetimet, ndërsa pritet një reagim zyrtar me detaje të plota mbi tragjedinë që tronditi bregdetin e Shëngjinit.
