Janë caktuar masat e sigurisë për pesë personat e arrestuar në lidhje me ngjarjen e ndodhur në ambientet e “Regina Palm”, në Radhimë.
Për Angjelo Breshanin është caktuar masa e sigurisë “arrest në shtëpi”, ndërsa ndaj Luan Muçës është vendosur masa “detyrim paraqitjeje”.
Ndërkohë, për tre të arrestuarit e tjerë, Blerim Heta, Klaudjo Lleshaj dhe Mandrit Lleshaj, është caktuar masa e sigurisë “arrest në burg”, e cila u dha në ambientet e spitalit.
Në lidhje me të njëjtën ngjarje janë shpallur në kërkim edhe gjashtë persona të tjerë.
Hetimet për rastin vijojnë, me qëllim dokumentimin e plotë të ngjarjes dhe sqarimin e të gjitha rrethanave të saj.
