Gjykata Kushtetuese do të shqyrtojë nesër në orën 09:00 ankimin e kreut të Partisë Demokratike, Sali Berisha. Kreu i PD kërkon shpalljen anti-Kushtetuese të masave të sigurisë "detyrim paraqitje" dhe "ndalim dalje jashtë vendit" të vendosura nga SPAK.
Berisha i ka konsideruar këto masa si shkelje të të drejtave të tij si deputet, pasi nuk janë miratuar më parë nga Kuvendi.
Kushtetuesja pritet të vendosë nëse SPAK ka vepruar në përputhje me Kushtetutën në këtë rast.
Më herët, Berisha kërkoi përjashtimin e gjyqtares Marsida Xhaferllari nga trupa gjyqësore, duke e akuzuar për konflikt interesi për shkak të lidhjeve me deputetin Enkelejd Alibeaj. Kërkesa u refuzua nga Gjykata Kushtetuese.
Ndërkohë, pas shpërfilljes së masave të sigurisë nga Berisha, SPAK ka kërkuar autorizimin e Kuvendit për masën e "arrestit shtëpiak", ndaj të cilës Berisha është izoluar prej 11 muajsh.
