Një aksident tragjik ka ndodhur mbrëmjen e sotme në në vendin e quajtur “Stom Golem” në Shkodër, ku ka humbur jetën një 16-vjeçar.
Mësohet se adoleshenti i cili ka qenë duke drejtuar një motomjet, ka humbur kontrollin duke dalë nga rruga, dhe për pasojë ka humbur jetën në vendin e ngjarjes.
Dyshohet se në motomjet udhëtonte dhe një i mitur 14-vjeçar, i cili u dërgua në spital në gjendje të rëndë shëndetësore.
Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit.
Njoftimi i policisë:
Rreth orës 18:20, në vendin e quajtur “Stom Golem”, dyshohet se një i mitur 16-vjeçar, duke drejtuar një motomjet, ka humbur kontrollin mbi drejtimin e motomjetit dhe për pasojë motomjeti ka dalë nga rruga, ku 16 vjeçari ka humbur jetën në vendin e ngjarjes.
Në motomjet dyshohet se udhëtonte dhe një i mitur 14-vjeçar i cili u dërgua në spital në gjëndje të rëndë shëndetësore.
Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit.
