Bashkia e Tiranës ka bërë publike masat për ndalimin e qarkullimit të automjeteve në disa akse kryesore të qytetit më 28 nëntor 2024, në oraret 09:00-14:00, për të mundësuar mbarëvajtjen e aktivitetit kulturor “Parada Shqiptare”.
Kufizimet do të zbatohen në zonat:
•Sheshi “Italia”
•Sheshi “Nënë Tereza”
•Bulevardi “Dëshmorët e Kombit”
•Sheshi “Skënderbej”
Rrugët alternative për qarkullim:
Automjetet mund të lëvizin në rrugët:
•“Lek Dukagjini”
•“Ibrahim Rugova”
•“Abdyl Frashëri”
•“Papa Gjon Pali II”
•Bulevardet “Zhan D’Ark” dhe “Bajram Curri”
•“Ismail Qemali”
Ndryshimet në itineraret e linjave urbane:
Gjithashtu, disa linja urbane do të devijohen:
•Linja 1/A dhe 1/B: Devijim nga sheshi “Wilson” përmes rrugëve “Sami Frashëri” dhe “Myslym Shyri”.
•Linja 2: Devijim te sheshi “Wilson”.
•Linja 3: Devijim te rruga e Kavajës dhe rruga “Mine Peza”.
•Linja 4: Devijim nga sheshi “Karl Topia” dhe rruga “Fortuzi”.
•Linja 5/B dhe 12/B: Devijim nga rruga e Kavajës dhe bulevardi “Zogu I”.
•Linja 8: Devijim në kryqëzimin e rrugës së Elbasanit dhe “Ismail Qemali”.
•Linja 10/A dhe 10/B: Devijim pranë urës së rrugës së Elbasanit.
•Linja 15: Devijim në rrugën e Kavajës dhe pjesën pas TOB.
•Linja 16: Devijim pranë urave të rrugëve “Elbasan” dhe “Sami Frashëri”.
Lëvizja e mjeteve të emergjencës dhe Policisë së Shtetit nuk do të ndikohet nga këto kufizime.
Për më shumë informacion, qytetarët mund të ndjekin njoftimet e Bashkisë Tiranë.
