Rreth orës 20:40 të mbrëmjes së 15 gushtit, Klajdi K., mbërriti në Komisariatin e Policisë së Lushnjes dhe denoncoi humbjen e kontakeve me bashkëshorten e tij.
24-vjecari një ish i dënuar, pa asnjë klasë shkolle që së fundmi punonte në një lavazh, iu tha oficerëve të policisë, se prej mesditës nuk kishte dijeni ku ndodhej gruaja e tij.
Policia pas marrjes së kallëzimit, bëri shpalljen në kërkim të Z.F, 19 vjece.
Pak orë më vonë, Klajdi K., shkoi sërish në komisariat dhe tha se kishte mësuar se gruaja e tij, ndodhej në Tiranë.
19-vjecarja, që po ashtu nuk kishte ndjekur asnjë klasë shkolle, ishte larguar nga banesa bashkëshortore, pasi pretendonte se Klajdi nuk kujdesej për të e për këtë arsye nuk donte të vazhdonte jetesën me të. Për këtë shkak, ajo ishte larguar dhe kishte mbërritur në Tiranë ne shtëpinë e babait të tij.
E reja u paraqit në komisariatin nr.4 dhe pasi dha dëshminë u lejua të largohej.
