Hamasi do të lirojë gjashtë pengje të tjera si dhe trupat e pajetë të 4 izraelitëve do t’u kthehen familjeve të tyre. Shkëmbimi i ardhshëm do të përfshijë lirimin e qindra të burgosurve palestinezë.
Lirimi i pengjeve izraelite nga grupi militant islamik i Gazës do të bëhet të shtunën, ndërsa trupat e pajetë do të dërgohen drejt Izraelit të enjten. 33 është numri i pengjeve të liruara nga Hamasi në raundin e parë të armëpushimit.
Pa dhënë asnjë detaj të mëtejshëm, udhëheqësi i Hamasit Khalil al-Hayya tha se grupi militant do të dorëzojë eshtrat e familjes Bibas, njëri prej të cilëve u kthye i gjallë më 1 shkurt. Vetëm tre pengje pritej fillimisht të liroheshin të shtunën, ndërsa nuk është e qartë pse Hamasi e ndryshoi planin.
Armëpushimi që filloi në mes të janarit ndaloi luftimet pas më shumë se 1 viti, midis Izraelit dhe Hamasit, rriti sasinë e ndihmave në Rripin e shkatërruar të Gazës dhe lejoi qindra mijëra palestinezë të ktheheshin në shtëpitë e tyre pasi forcat izraelite u tërhoqën nga pjesa më e madhe e territorit të enklavës.
Tanimë të dy palët duhet të negociojnë fazën e dytë dhe më të vështirë të armëpushimit, sipas së cilës Hamasi do të lironte dhjetëra pengje të tjera në këmbim të një armëpushimi të qëndrueshëm dhe një tërheqje izraelite nga Rripi i Gazës.
