Kanë dalë detaje të tjera në lidhje me ngjarjen e ndodhur mbrëmjen e djeshme në qyetin e Ferizajt. Mësohet se Sadri Sadriu, 89-vjecari që u vra në parkingun e një salle dasmash në fshatin Bibaj të Ferizajt, është lidhje familjare e presidentes së Kosovës Vjosa Osmani.
Polici ka qëlluar për vdekje me armë bashkëshortin e tezes së tij. Njëkohësisht mësohet se viktima është edhe xhaxhai i bashkëshortit të Presidentes së Kosovës, Vjosa Osmani.
Autori është identifikuar si Festim Ramadani, një zyrtar policie që ka qenë jashtë detyrës. Ai pasi ja bërë vrasjen me armën e punës, më pas është vetëdorëzuar në stacionin e policisë.
Po ashtu mësohet se është arrestuar edhe një person tjetër, të cilit i është caktuar edhe masa e ndalimit policor prej 48 orësh. Personi tjetër i ndaluar akuzohet për bashkëkryerje në veprën penale vrasje e rëndë sipas Kodit Penal të Republikës së Kosovës.
