Administrata e Presidentit Donald Trump synon të shkurtojë miliarda dollarë nga programet që mbështesin kujdesin për fëmijët, kërkimin shëndetësor, arsimin dhe strehimin në propozimin e saj për buxhetin fiskal të vitit 2026, raporton New York Times.
Plani gjithashtu do të prekë zhvillimin e komunitetit dhe ndihmën për strehim dhe po finalizohet nga Zyra e Menaxhimit dhe Buxhetit e Shtëpisë së Bardhë, sipas raportit që citon dokumente paraprake.
Një zëdhënës i OMB-së tha: "Nuk janë marrë ende vendime përfundimtare mbi financimin."
Shtëpia e Bardhë do ta publikojë buxhetin që javën e ardhshme, sipas New York Times që citon dy persona të njohur me çështjen.
Një masë e dytë, e cila do të shkurtojë më shumë se 9 miliardë dollarë nga shpenzimet e miratuara më parë për vitin fiskal aktual, përfshirë fondet për mediat PBS dhe NPR, pritet gjithashtu të publikohet javën e ardhshme, shton raporti.
Që nga marrja e detyrës në janar, Trump ka tentuar të zvogëlojë madhësinë e qeverisë federale.
Më herët këtë vit, Kongresi miratoi një plan të gjerë buxhetor republikan për vitin fiskal 2025, i cili kishte pak detaje, por që synonte të shkurtonte miliarda në shpenzime dhe të zgjaste uljet e taksave që përndryshe do të skadonin.
