Kandidati i Partisë Demokratike, Gjin Gjoni është proceduar në gjendje të lirë. Lajmi konfirmohet për VNA nga policia e Lezhës.
Policia e Lezhës bëri të ditur se ka proceduar penalisht kandidatin demokrat, Gjin Gjoni. Në njoftimin për shtyp të këtij institucioni thuhet:
“Shërbimet e Komisariatit të Policisë Lezhë referuan materialet në Prokurori, ku nisi procedimi në gjendje të lirë, për veprën penale “Shpifja”, për shtetasin Gj. Gj., 55 vjeç, banues në Lezhë, kandidat për deputet i subjektit politik “Partia Demokratike”, pasi kanë kallëzuar shtetasit D. P., E. L., E. S., P. Gj. dhe R. N. (përfaqësues dhe simpatizantë të subjektit politik “Partia Socialiste”), se 55-vjeçari ka publikuar në rrjetin social “Facebook”, një postim, nëpërmjet të cilit shpif se 5 shtetasit janë të implikuar në blerje votash dhe intimidim zgjedhësish”, njofton policia.
