Reshjet e para të dëborës kanë filluar këtë pasdite në juglindje të vendit, ku dëbora është shfaqur në lartësitë mbi 1400 metra mbi nivelin e detit. Sipas raportimeve, reshjet janë përqendruar kryesisht në fshatin turistik të Dardhës dhe në majën e Bigllit. Aktuellisht, dëbora bie me intensitet të ulët dhe nuk ka shkaktuar probleme në qarkullimin e automjeteve, por grupet e punës janë në terren për të monitoruar situatën.
Në 48 orët e fundit, temperaturat në qarkun e Korçës kanë pësuar rënie të ndjeshme, duke shënuar zyrtarisht nisjen e stinës së dimrit. Aktualisht, në Dardhë temperatura është 3°C, ndërsa reshjet pritet të vazhdojnë gjatë natës. Autoritetet lokale dhe shërbimet e emergjencës janë në gatishmëri për të menaxhuar çdo situatë të mundshme.
