Kreshnik Farruku alias Kreshnik Budlla, alias Sokol Koci, një prej narkotrafikantëve më të njohur në vend, i arrestuar me urdhër të SPAK bashkëpunonte në trafikun e kokainës me organizatës kriminale të drejtuar nga vëllezerit Roland dhe Albert Turja.
Kjo organizatë kriminale blinte sasi të mëdha kokaine në Kolumbi dhe i niste nga Porti Guayaquil në Ekuador në drejtim të portit të Livornos në Itali. Organizata kriminale në fjalë, nëpërmjet një grupi kriminal të organizuar në shtete si Italia, Ekuadori, Shqipëria dhe Belgjika kanë ndihmuar organizatën mafioze Ndrahgeta, në mënyrë specifike Klanin “Molë”. Kjo duke nxjerrë në fshehtësi kokainën nga Porti i Livornos duke e blerë në Amerikën e Jugut,në bashkëpunim me eksponentë të krimit të organizuar Italian dhe atyre të organizuar shqiptar.
Në vecanti, duke përdorur njohjen e zonës së Toskanës nga anëtari i organizatës, Errico D’Ambrosio, I cili kishte qëndruar në provincat Lucca dhe Pisa dhe Pistoia që vepronte në kontant të drejtpërdrejtë me Ernesto Madaffari, i cili drejtonte klanin “Molë”. Në dosjen hetimore zbardhen disa episode të trafikut të kokainës, ku droga është nxjerrë nga porti në Livorno dhe është shpërndarë në vende të ndryshme.
Organizata kriminale ku bën pjesë dhe Farruku, u godit pas zbërthimit të Sky ECC. Kreshnik Farruku u arrestua me urdhër të SPAK dhe ndaj tij e dy të dyshuarve të tjerë të arrestuar në Shqipëri Julian Kollçaku dhe Maksim Ndoci janë duke vijuar hetimet.
