Kuvendi i Shqipërisë do të hapë sot garën për drejtuesin e ri të AMA-s.
Siç ka mësuar VNA, do të jetë Komisioni për të Drejtat e Njeriut dhe Mjetet e Informimit Publik, i drejtuar nga Jorida Tabaku ai që, sot, në emër të Kuvendit, do të bëjë hapat e parë drejt zëvendësimit të kryetares aktuale të Autoritetit të Mediave Audiovizive (AMA), Armela Krasniqi (Imeraj).
Gjatë mbledhjes së planifikuar në orën 11:30, komisioni do të marrë vendimin zyrtar për shpalljen e vakancës për pozicionin e Kryetarit të AMA-s. Ky hap sinjalizon përfundimin e mandatit të Krasniqit në krye të këtij institucioni rregullator dhe hap rrugën për garën e re ligjore për përzgjedhjen e pasardhësit të saj.
Nëpër korridore politike flitet se një nga emrat më të mundshëm mund të jetë gjyqtarja Sonila Bejtja, e cila edhe pse me lidhje të komplikuar e atë afërta deri në televizionin e familjes Berisha, vijon të votojë në Kushtetuese në favor të Ramës.
Ajo pati ambicie për tu bërë Komisionere kundër Diskriminimit, por ëndrra e saj u doq, meqë sistemi i drejtësisë, vonoi zgjedhjen e gjyqtarit të ri kushtetues dhe asaj i duhet të presë pasardhësin.
Muajt kanë kaluar e ngelet për tu parë nëse tani piqen kushtet për të gjitha palët.
