Kryetari i Partisë Mundësia, Agron Shehaj i ka bërë thirrje të gjithë qytetarëve që t’i bashkohen protestës në ditën e 8 të saj, këtë të dielë para kryeministrisë. Në një video mesazh Shehaj thotë se merr mesazhe të shumta nga qytetarë që janë të bindur për mbështetjen e protestës, por janë skeptikë se pas protestës mund të ketë faktorë të tjerë.
‘Më ndalojnë shumë veta dhe me thotë: Agron protesta duhet mbështetur por ka diçka aty që nuk ma mbush mendjen, ka diçka nga pas. Çështja është që mos kërkoni gjë nga pas. Nëse doni të kuptoni shkoni në protestë, dhe flisni shikojeni kush janë. Janë të rinj dhe të reja të cilëve iu ka ardhur në majë të hundës. Kanë një ëndërr, duan që një kryeministër i korruptuar të japë dorëheqjen, pikë’, shprehet kryetari i Partisë Mundësia.
