Arlind Qori, duke folur për emisionin "Të Paekspozuarit" në MCN TV nga protesta, deklaroi se ajo që po ndodh sot në Shqipëri, është historikë dhe mund të përmbysë klasën e vjetër politike.
" Populli thërret Rama n'burg, Berisha n’burg.
Ajo që po ndodh në Shqipëri, është historike, nuk ka ndodhur në historinë tonë. Pas protestës, kam qenë në marshim me dhjetëra mijëra qytetarë, që vijojnë marshojnë. Është frymëzuese, mund të bëhet historike.
Mund t'i jepet fund një sistemi politik të kapur nga oligarkët, që ka shkatërruar themelet e shtetit shqiptar, ekonominë, ka mbjellë korrupsionin ngado. Kam qenë optimist për popullin shqiptar edhe kur pakkush ishte optimist.
Kam shumë emocion në këto momente. Këtë që po bën populli ynë këto ditë është historike. Asnjë popull në Evropë nuk po proteston kaq shumë tani.
Qëllimi shprehet në thirrjet “Dorëheqje e qeverisë, Rama n'burg dhe Berisha n'burg”", deklaroi Qori.
