Një objekt i dyshimtë është konstatuar mëngjesin e sotëm në lagjen nr. 3 në Durrës, duke vënë në lëvizje Policinë dhe specialistët xhenierë.
Sipas informacionit paraprak të Policisë, rreth orës 09:00 është konstatuar në rrugë një celular i lidhur me një objekt të dyshimtë.
Menjëherë pas njoftimit, shërbimet e Policisë kanë mbërritur në vendngjarje dhe kanë nisur veprimet për verifikimin e rastit.
Për shkak të natyrës së objektit janë njoftuar edhe specialistët xhenierë, të cilët pritet të bëjnë heqjen dhe verifikimin e tij për të përcaktuar se për çfarë bëhet fjalë.
Ndërkohë, grupi hetimor, nën drejtimin e Prokurorisë, po vijon punën për zbardhjen e plotë të rrethanave.
Deri në këtë fazë, autoritetet nuk kanë bërë të ditur nëse objekti përbën rrezik apo se çfarë përmban ai.
