Një aksident i rëndë automobilistik është regjistruar gjatë pasdites së sotme në fshatin Dragot, në aksin rrugor Belsh-Kuçovë.
Automjeti i drejtuar nga 21-vjeçari Henric Xherimeja ka dalë nga rruga pasi drejtuesi humbi kontrollin e mjetit.
Në automjet ndodheshin edhe dy pasagjerë, shtetasit Saimir Kamberaj dhe Paula Mema. Nga aksidenti, Paula Mema ka pësuar dëmtime të rënda në kokë dhe është transportuar me urgjencë në Spitalin e Rrethit të Beratit, përpara se të dërgohej në Spitalin e Traumës në Tiranë për trajtim të specializuar.
Ndërkohë, dy të plagosurit e tjerë po marrin ndihmë mjekësore në Spitalin e Beratit dhe janë jashtë rrezikut për jetën. Policia po heton shkaqet e aksidentit.
