Vrasja e 14-vjeçarit, Martin Cani, nga bashkëmoshatari i tij shumë pranë shkollës Fan Noli në Tiranë ka tronditur mbarë opinionin publik. Ndërkohë që sot ka reaguar për herë të parë babai i autori të dyshuar.
Babai i autorit të dyshuar të vrasjes së 14-vjeçarit Martin Cani ka reaguar për emisionin “Opinion” . Ai nuk ka pranuar të japë intervistë, por dha një mesazh me shkrim.
“Edhe unë jam në të njëjtën situatë si familja Cani, vetëm që arkivolin nuk e kam në shtëpi. Dhimbja është shumë e madhe, ne jemi munduar gjithë jetën ta edukojmë fëmijën tonë në rrugën e drejtë. Jemi të shokuar”, është shprehur babai i autorit të dyshuar të vrasjes së Martinit.
