Moldavia mund të shqyrtojë bashkimin me Rumaninw nëse procesi i integrimit në Bashkimin Evropian nuk përparon sipas afateve të parashikuara.
Zëvendëskryeministri moldav, Eugen Osmocescu, deklaroi se objektivi i qeverisë është nënshkrimi i marrëveshjes së anëtarësimit në BE deri në fund të vitit 2028, duke e cilësuar integrimin evropian si prioritetin kryesor të vendit.
Ndërkohë, ministri i Jashtëm moldav, Mihai Popsoi, është shprehur i gatshëm të mbështesë bashkimin me Rumaninë, duke deklaruar se do të votonte pro nëse një çështje e tillë do t’i nënshtrohej referendumit.
Mundësia e bashkimit është përmendur edhe më herët nga presidentja Maia Sandu, e cila nuk e ka përjashtuar këtë skenar si një rrugë që mund të përshpejtojë integrimin evropian dhe të forcojë stabilitetin e vendit.
Megjithatë, një bashkim i mundshëm mes Moldavisë dhe Rumanisë do të kërkonte procedura të ndërlikuara ligjore dhe kushtetuese, përfshirë mbajtjen e një referendumi dhe arritjen e marrëveshjeve ndërkombëtare, duke e lënë realizimin e këtij skenari në varësi të zhvillimeve të ardhshme politike.
