Prej disa ditësh dhjetëra vatra zjarri kanë shpërthyer kudo në pyje, kodra e deri tek vendgrumbullimet e mbetjeve anembanë Shqipërisë. Fatmirësisht deri tani, pa humbje jetësh njerëzore, por duke djegur investimin e dhjetëra bizneseve turistike, e banesave të qytetarëve të thjeshtë. Pamjet apokaliptike që po vijne prej dy ditësh nga zjarri i rënë në Lezhë janë e ardhmja e frikshme e turizmit që na pret. Dhjetëra qytetarë që bëjnë plazh vetëm pak metra nga Rana e Hedhun mes flakëve, deputetë e qeveritarë nga zyrat ne Tiranë bëjnë sehir, gazetarë që përpiqen të lajmërojnë për rrezikun dhe analistë që postojnë video nga plazhet ku ulen helikopterë.
Aty, në përballje me flaket, në përpjekje për të shpëtuar investimin e jetës së tyre janë pronarët, banorë të zonës dhe zjarrëfiksit.
Të trija këto kategori u braktisën nga Shteti, Qeveria dhe Bashkia në ditët më të vështira.
I pari kryebashkiaku i Lezhës, Pjerin Ndreu, i cili ndodhej në Stamboll, në një aktivitet, arsyeja e së cilës nuk shpjegohet zyrtarisht.
Në fakt ndodhi e kundërta, në ditën e fatkeqësisë guxuan të shkojnë edhe më tej, u tallen deri në cinizëm Publikimi në fjalë. I dyti në radhë është postimi i Ministrit të Drejtësisë Ulsi Manja, i cili ankohet se po i prishet imazhi Shqipërisë, teksa publikon një video të pushuesve duke kërcyer në Lezhë. Paturpësisht i njejti status shpërndahet nga disa qeveritarë deri tek kryebashkiaku, i cili me pas njofton se do rikthehet në Lezhë, pasi gjeti biletë dhe jo se mendon emergjente situatën. A thua është hall i qytetarëve bileta e Pjerin Ndreut.
Ndërsa situata vijon të jetë problematike në Lezhë por deri më tani asnjë mbledhje emergjencave civile, asnjë plan masash. Thjesht ndryshime në qeveri në pikun e sezonit turistik, duke ja lënë Lezhën dhe turizmin e atjeshëm në dorë papërgjegjshmërisë që nis nga kryeministri e deri tek të zgjedhurit lokalë me mungesë totale serioziteti.
