Prej ditës së djeshme, një grup polumbarësh të forcave RENEA, po kërkojnë gjetjen e provave në vendin e shpërthimit pranë Portit të Sarandës, që shkaktoi vdekjen e biznesmenit 52 vjeçar Armand Nelaj.
Bëhet me dije se është shumë e vështirë gjetja e provave në atë pjesë të Gjirit të Sarandës pasi për shkak se ndodhet afër Portit Detar, thellësia është shumë e madhe për të mundësuar ankorimin e lirshëm të anijeve.
Policia e Sarandës ka kryer disa kontrolle ambientesh për të grumbulluar prova lidhur me ngjarjen e rëndë por burimet tregohen të rezervuara për rezultatet.
Gjithashtu janë sekuestruar edhe një numër të madh kamerash sigurie të cilat po kqyren, duke përfshirë kamerat e Portit të Sarandës, të cilat janë të një cilësie të lartë për shkak të rëndësisë së veçantë dhe sigurisë së institucionit.
Një nga pistat për të cilën po hetohet intensivisht është se dyshohet që shpërthimi të ketë ndodhur nga një sasi eksplozivi, gjë që ka shkaktuar edhe vdekjen e biznesmenit 52 – vjeçar, prind i dy fëmijëve. Hetimet për këtë ngjarje që tronditi qytetin në orën 22.00 të datës 24 qershor vijojnë, madje sipas burimeve janë intensive.
Ndërkohë që priten edhe analizat nga mjekësia ligjore.
