Video/ E pazakontë në samitin e KPE, presidentit rumun sapo zbret nga makina i kthen shpinën Orbanit

Një situatë e pazakontë ka ndodhur gjatë mbërritjes së presidentit të Rumanisë, Klaus Iohannis, në Samitin e Komunitetit Politik Evropian (EPC) që po zhvillohet në Budapest. Një video që u bë virale në rrjetet sociale tregon një moment kur presidenti Iohannis, sapo zbriti nga makina, i ktheu shpinën kryeministrit hungarez Viktor Orban, i cili ishte mikpritës i eventit. Sipas protokollit të zakonshëm, çdo lider duhet të përshëndetet personalisht nga kryeministri i vendit pritës me një shtrëngim duarsh dhe një foto zyrtare. Megjithatë, Presidenti Iohannis vendosi të ndjekë një qasje ndryshe. Pas daljes nga makina, ai kaloi rreth 20 sekonda duke biseduar me shefin e protokollit të tij dhe duke rregulluar veshjen, para se të shtrëngonte duar me Viktor Orban. Ky moment ka tërhequr vëmendjen e publikut dhe ka ngritur pyetje lidhur me tërësinë e marrëdhënieve ndërmjet dy liderëve, ndërkohë që ngjarja po diskutohen gjerësisht në mediat ndërkombëtare. Pavarësisht kësaj, situata përfundoi mirë, me dy liderët që shkëmbyen disa fjalë dhe bënë foton e zakonshme. Takimi u zhvillua në kontekstin më të gjerë të samitit të KPE, ku më shumë se 50 delegatë u pritën në Puskas Arena në Budapest.      

Romanian President Klaus Iohannis, upon arriving in Budapest, was in no hurry to approach Hungarian Prime Minister Orban, who was greeting the guests

But eventually Iohannis spotted Orban and shook his hand. The confusion was captured live on Orban's YouTube channel. pic.twitter.com/7Dh3Hguaqt — NEXTA (@nexta_tv) November 7, 2024