Victoria Beckham ka treguar së fundmi se arsyeja pse ajo shpesh duket serioze në fotografi lidhet me pasiguritë që ka pasur për lëkurën e saj. Stilistja 50-vjeçare ka pranuar në një intervistë për The Telegraph se, për shkak të problemeve me aknet dhe çrregullime të tjera të lëkurës që nga adoleshenca, shpesh ndihej e pasigurt para kamerave.
Ajo shpjegoi se mungesa e buzëqeshjes në shumë foto lidhej me ndjesinë e saj të pakëndshme. “Mund të dukesha e ashpër në foto, por thellë brenda vetes nuk ndihesha aspak rehat,” tha Victoria.
Për të menaxhuar këto probleme, ajo iu drejtua ekspertëve të kujdesit të lëkurës dhe zhvilloi një rutinë të përditshme strikte. Përveç kësaj, pasiguritë e saj ndikuan edhe në mënyrën e të ushqyerit. Ajo ka ndjekur për vite një dietë shumë të rreptë, duke konsumuar çdo ditë të njëjtin vakt – peshk të pjekur dhe perime në avull. Sipas Victorias, kjo ishte një përpjekje për të mbajtur lëkurën e saj të shëndetshme.
Ndërsa tani ajo ndihet më rehat me pamjen e saj, Victoria thotë se ka nisur të buzëqeshë më shpesh dhe të tregojë më shumë besim në veten e saj.
