Aktorja Rudina Dembacaj ka ndarë me shijuesit e emisionit në TCH faktin që ish-partneri i saj nuk paguan pensionin për vajzën. Edhe pse është diçka personale dhe jo me ndonjë interes të madh për publikun (duke parë ekspozimin e jetës së luksit), aktorja është ndalur te kjo temë për të disatën herë. Duke vlerësuar sinqeritetin e saj në këtë emision, pyetja që lind është: a e di Rudina si është bërë i pasur bashkëshorti aktual? Si i ka siguruar të ardhurat për biznesin që tashmë lulëzon? Mos ndoshta ky sinqeritet për të ndarë çdo detaj të jetës personale duhet të ketë të njëjtin standard. Edhe atë të mungesës së pensionit të ish-bashkëshortit, por edhe “suksesin” e bashkëshortit aktual. Në rast se Rudina Dembacaj nuk e di, bashkëshorti i saj, Mark Frroku, është një ish-deputet i dënuar nga gjykatat e Shqipërisë, por që më parë se të niste karrierën politike ka qenë i kërkuar nga drejtësia belge për vrasje dhe prostitucion. Ndaj, këto qarjet publike për pension të munguar nuk mund të jenë edhe kaq të sinqerta nëse reklamohet jeta e luksit me biznese më shumë se të dyshimta.
