Presidentja e Komisionit Evropian, Ursula von der Leyen, do të vizitojë sot Kosovën si pjesë e turit të saj në Ballkanin Perëndimor. Ajo do të ketë takime me liderët e shtetit, Presidenten Vjosa Osmani dhe Kryeministrin Albin Kurti.
Takimi me Presidenten Osmani është planifikuar për në orën 09:45, pas të cilit do të zhvillohet një konferencë për media. Ndërkohë, takimi me Kryeministrin Kurti do të mbahet në orën 11:15.
Më herët, Von der Leyen ka vizituar Tiranën, Shkupin, Beogradin dhe Sarajevën. Ajo do ta përfundojë vizitën në rajon me një takim me liderët e Malit të Zi të shtunën në Podgoricë.
Gjatë vizitës në Tiranë, ajo theksoi se zgjerimi i Bashkimit Evropian mbetet një prioritet për të në mandatin e saj të dytë si kryetare e Komisionit. "Zgjerimi është një përparësi e lartë për mandatin tim të ardhshëm. Kjo është pjesë e planit tonë për rritje në Ballkanin Perëndimor, një temë që e diskutuam edhe në Berlin. Ne hapim dyert tona të tregut të përbashkët për partnerët e Ballkanit Perëndimor," deklaroi von der Leyen.
Presidentja e Komisionit Evropian, Ursula von der Leyen, do të vizitojë sot Kosovën si pjesë e turit të saj në Ballkanin Perëndimor. Ajo do të ketë takime me liderët e shtetit, Presidenten Vjosa Osmani dhe Kryeministrin Albin Kurti.
Takimi me Presidenten Osmani është planifikuar për në orën 09:45, pas të cilit do të zhvillohet një konferencë për media. Ndërkohë, takimi me Kryeministrin Kurti do të mbahet në orën 11:15.
Më herët, von der Leyen ka vizituar Tiranën, Shkupin, Beogradin dhe Sarajevën. Ajo do ta përfundojë vizitën në rajon me një takim me liderët e Malit të Zi të shtunën në Podgoricë.
Gjatë vizitës në Tiranë, ajo theksoi se zgjerimi i Bashkimit Evropian mbetet një prioritet për të në mandatin e saj të dytë si kryetare e Komisionit. "Zgjerimi është një përparësi e lartë për mandatin tim të ardhshëm. Kjo është pjesë e planit tonë për rritje në Ballkanin Perëndimor, një temë që e diskutuam edhe në Berlin. Ne hapim dyert tona të tregut të përbashkët për partnerët e Ballkanit Perëndimor," deklaroi von der Leyen.
