SPAK firmosi urdhër arrest në mungesë për Artur Shehun, një prej biznesmenëve kontroversë pjesë e takimit të shumëpërfolur të Arubës. Shehu ndodhet në Amerikë pasi u largua nga Shqipëria më shumë se 27 vite më parë, për shkak të përplasjes me kreun e Bandës së Coles, Myrteza Çaushi.
Shehu është edhe nën hetim për një skemë masive të tjetërsimit të pronave në Zvërnec, ku do të ndërtohet resorti luksoz nga dhëndri i presidentit amerikan Donald Trump.
Pak ditë më parë, Shehu doli në një intervistë televizive dhe mohoi të gjitha akuzat. Ai është përfolur prej më shumë se dy dekadash për lidhje me trafikun e kokainës.
SPAK thotë se grupi kriminal trafikonte tonelata kokainë dhe ka pastruar miliona euro cash.
