Policia e Tiranës ka vënë në pranga Daut Lazen, 49-vjeçari i cili ishte arratisur më 4 shkurt nga Institucioni i Posaçëm Mjekësor në IEVP Lezhë.
Ai u arestua në zonën e Astirit, pas informacioneve të siguruara nga inteligjenca policore.
Njoftimi i Policisë:
Kapet nga shërbimet e Komisariatit të Policisë Nr. 6, shtetasi Daut Laze, 49 vjeç, i cili u arratis nga Institucioni i Posaçëm Mjekësor në IEVP Lezhë, me datë 04 shkurt 2025.
Bazuar nga informacionet e marra nga inteligjenca policore, nga shërbimet e Komisariatit të Policisë Nr. 6, në Astir, u bë kapja e shtetasit të shpallur në kërkim Daut Laze, 49 vjeç, banues në Astir.
Ky shtetas, me datë 04 shkurt 2025, u arratis nga Institucioni i Posaçëm Mjekësor në IEVP Lezhë.
Veprimet e metejshme do të kryhen nga Drejtoria Vendore e Policisë Lezhë.
