Një ngjarje e rëndë ka tronditur Italinë dhe komunitetin shqiptar, pasi trupi i pajetë i 22-vjeçares Ilaria Sula u gjet mëngjesin e sotëm i futur në një valixhe, në një luginë në komunën e Polit, në zonën e Monti Prenestinit, Romë.
Sipas mediave italiane, autoritetet kanë nisur hetimet dhe po marrin në pyetje të dashurin e saj, një shtetas filipinas.
Ilaria u raportua e zhdukur më 29 mars, pasi nuk iu përgjigj më mesazheve të shoqeve të saj të dhomës, të cilat më pas njoftuan familjen dhe autoritetet. Policia po heton edhe komunikimet e fundit të saj në ‘WhatsApp’ për të zbardhur rrethanat e ngjarjes.
Sipas mikeshës së saj, Noemi, Ilaria ishte një vajzë e qetë dhe e përkushtuar ndaj studimeve, që kalonte kohën mes librave dhe palestrës. Hetimet vazhdojnë për të zbuluar autorët dhe motivet e kësaj tragjedie.
