Administrata Trump planifikon të nisë punimet për një hark monumental rreth 250 këmbë, ose 76 metra të lartë, në Uashington, edhe pse projekti nuk ka marrë ende miratimin përfundimtar të autoriteteve të planifikimit të kryeqytetit.
Monumenti është frymëzuar nga Arc de Triomphe në Paris dhe parashikohet të ngrihet pranë Varrezave Kombëtare të Arlingtonit, për të nderuar veteranët amerikanë.
Projekti ka shkaktuar kundërshtime për shkak të përmasave dhe vendndodhjes së tij. Kritikët thonë se harku mund të prishë vijën historike të pamjes mes Lincoln Memorial dhe Arlington House.
Çështja ka mbërritur edhe në gjykatë, ku kundërshtarët argumentojnë se presidentit i duhet autorizim i ri nga Kongresi.
Administrata pretendon se një autorizim i vjetër i Kongresit është i mjaftueshëm dhe ka njoftuar se punimet e gërmimit mund të nisin brenda dy javësh.
Harku është pjesë e një serie projektesh me të cilat Trump synon të ndryshojë peizazhin monumental të kryeqytetit amerikan.
