Presidenti i Shteteve të Bashkuara, Donald Trump, i ka bërë të ditur kryeministrit izraelit Benjamin Netanyahu qëndrimin e tij të prerë në negociatat me Iranin lidhur me programin bërthamor iranian.
Sipas raportimeve të medias izraelite Channel 12, Trump ka deklaruar se çdo marrëveshje përfundimtare duhet të parashikojë çmontimin e plotë të programit bërthamor të Iranit, si dhe largimin e të gjithë uraniumit të pasuruar nga territori iranian.
Burime pranë procesit bëjnë me dije se presidenti amerikan ka theksuar se nuk do të firmosë asnjë marrëveshje që nuk përmbush këto kushte strikte.
Deklaratat vijnë në një moment kur negociatat mes SHBA-së dhe Iranit raportohet se po afrohen drejt një marrëveshjeje të përkohshme, e cila synon uljen e tensioneve në rajon dhe garantimin e lirisë së lundrimit në Ngushticën e Hormuzit.
