Myanmar po përballet me një krizë humanitare pas tërmetit me magnitudë 7.7 që goditi vendin të premten, duke shkaktuar mbi 1600 viktima dhe dëme masive në infrastrukturë. Ura, autostrada, aeroporte dhe linja hekurudhore janë shkatërruar, duke vështirësuar përpjekjet e shpëtimit.
“Kjo është një krizë e rëndë humanitare,” tha Alexander Matteo, drejtori rajonal i Kryqit të Kuq për Azinë-Paqësorin. Organizata ka bërë një apel urgjent për mbi 100 milionë dollarë ndihma, ndërsa ekipet e shpëtimit dhe vullnetarët po shpërndajnë pajisje të ndihmës së parë, batanije dhe mjete higjienike për të ndihmuar mbi 100 mijë njerëz.
