Të gjithë ata deputetë që nuk i binden dëshirave dhe urdhrave të tij, Sali Berisha, lëshon sulme sa herë del përballë kamerave. Targeti i radhës për ish-kryeminiatrin, janë ish-deputetët e PD, të cilët kanë vendosur të hapin partinë e re “Djathtas”.
Në konferencën e sotme për mediat, Berisha i akuzoi duke thënë se në darkë dalin nga kryeministria dhe bëjnë opozitën e opozitës.
"Së pari në një sistem, pluralist krijimi i partive është një e drejtë kushtetuese, por kur krijojnë parti ata që në darkë dalin nga Kryeministria dhe shkojnë nëpër studio televizive për të bërë opozitën e opozitës, është e dhimbshme.
Por, shqiptarët janë të mençur dhe dinë të dallojnë. Bashkohemi me të gjithë ata që janë të gatshëm të përballen me Edi Ramën" - tha ai.
Në fakt duke qenë 30 vite në politikë, tashmë edhe akuzat ndaj atyre që i kanë dalë kundër brenda partisë nuk vlejnë. Kjo për faktin e thjesht sulmet janë të njëjta dhe se nuk ka shqiptar që nuk e di që nëse ka politikan që ditën bëjnë sikur zihen dhe për interesa të tyre janë marrë vesh, janë Sali Berisha dhe Edi Rama.
Këtu përmendim bashkëpunimin e fundit me tyre për amnistinë penale apo për reformën zgjedhore të cilët bashkuan votat në njërën për të liruar persona të dënuar nga GJKKO dhe në tjetrën për të mbyllur listat në zgjedhjet e ardhshme.
Por përtej mëkateve të tij, më e pakta që duhet të bëj Berisha si kryetar opozite dhe që pretendon të rëzojë Ramën, është të bëjë thirrje për çdo parti e re t’i bashkohet opozitës. Në të kundër, çdo sulm është bumerang që i kthehet edhe asaj pak shprese që ka PD dhe opozita për të ardhur në pushtet.
