Gjykata e Lartë rrëzon kërkesën e ish-deputetit demokrat Ervin Salianji për pezullimin e ekzekutimit të vendimit të dënimit me burg. Salianji po vuan dënimin me 1 vit në burgun e Fierit pasi u cilësua fajtor për akuzën e kallëzimit të rremë për çështjen "Babale". Vendimi Mospranimin e kërkesës së paraqitur nga kërkuesi Ervin Salianji, për Pezullimin e vendimit nr.2900 datë 18.12.2019, të Gjykatës së Rrethit Gjyqësor Tiranë, lënë në fuqi me vendimin nr. 30-2024-6822, datë 26.09.2024 të Gjykatës së Apelit të Juridiksionit të Përgjithshëm, Tiranë".
Dënimi Salianji u vetëdorëzua në Policinë e Tiranës një ditë pas vendimit të Apelit që e shpalli fajtor. Sipas drejtësisë, ai publikoi një provë të rremë, një audiopërgjim përmes të cilit tentoi të implikonte në trafik droge Geron, alias Agron Xhafaj, vëllai i ish-ministrit të Brendshëm, Fatmir Xhafaj.
