Mbrëmjen e sotme ka startuar “Big Brother Vip Kosova”, i cili nisi mbrëmjen e sotme edicionin e tretë. Janë zbuluar emrat e parë të banorëve që u bënë pjesë e tij.
Banore e shtëpisë është bërë këngëtarja mjaft e njohur shqiptare, Rovena Stefa. Ajo tha se ka shumë për të dhënë nga vetja e saj në këtë edicion, ndaj është e gatshme për këtë aventurë.
Po ashtu garës i është bashkuar edhe këngëtari Kevin Edmond. Ai jeton në Suedi, ndërsa ajo që e lidh me Kosovën janë rrënjët e nënës së tij, e cila është me origjinë nga Ferizaj.
“Në BBV po hyj beqar, nëse do ketë ndonjë vajzë për mua, do jem shumë i lumtur”, tha ai.
Opinionistët e këtij edicioni janë Olta Gixhari dhe Melaim Zeka.
Plot banorë pritet të hyjnë në shtëpinë më të famshme në Kosovë, për një aventurë 100 ditore, në garë për të fituar çmimin e madh prej 100 mijë euro.
