Altin Lala është rikthyer edhe një herë tjetër në Gjermani, te klubi i Hannover. Këtë herë jo për të zbritur në fushë si kapiten por për të reklamuar fanellën e re të klubit.
Hannover ka nxjerrë në treg fanellat e reja, të cilat janë në një ngjyrë ndryshe nga çfarë jemi mësuar t’i shohim. Uniformat e klubit gjerman nuk janë të zeza këtë herë, por me ngjyrë të kuqe, por nuk do jetë fanella e parë.
Ndërkohë që Altin Lala është pjesë e këtij promovimi. Është vetë klubi i Hannover që ka postuar foton e ish-kapitenit të tyre dhe të Kombëtares shqiptare, teksa përbri shkruan: Legjendat në të kuqe.
