Në kuadër të operacionit të gjerë të zhvilluar këtë të premte nga SPAK kundër krimit të organizuar, është firmosur urdhër-arrest edhe për biznesmenin Ilir Shtufi. Ky i fundit nuk është vënë në pranga, pasi rezulton se ndodhet jashtë vendit.
Emri i Shtufit është përmendur edhe më herët në të ashtuquajturën dosja “Balluku”, ku ai dyshohej se favorizohej në procedura tenderuese nga ish-zëvendëskryeministrja Belinda Balluku.
Biznesmeni ka përfituar një sërë lejesh ndërtimi në Tiranë dhe aktualisht është i angazhuar në investimin e kullës “Mali i Tiranës”, një prej projekteve më të mëdha të zhvillimit në kryeqytet.
Shtufi njihet gjithashtu si një nga personat me lidhje të afërta me Shkëlzen Berishën, djalin e ish-kryeministrit Sali Berisha.
