“Le Courrier des Balkans”, një medium informacioni në gjuhë frënge që fokusohet në Ballkanin Juglindor dhe ku lajmet nga këto vende bëhen të njohura për publikun frankofon ditën e diel, 18 janar 2026 publikoi një artikull të gjatë “Mes Shqipërisë dhe Maqedonisë së Veriut, dimri i pezulluar i Liqenit të Ohrit, ku në fokus ishte kërcënimi i Liqenit të Ohrit nga projektet ndërtimore.
Si në Pogradec ashtu edhe në Ohër, betoni rrezikon të thyejë ekuilibrin e brishtë të peizazheve mijëvjeçare. UNESCO ka vendosur një ultimatum deri më 1 shkurt 2026: çfarë do të bëjnë Shqipëria dhe Maqedonia e Veriut për t'a mbrojtur këtë trashëgimi unike?
Neglizhenca, braktisja dhe lakmia po qëndrojnë pezull si një “gijotinë” mbi statusin e Ohrit si vend i listuar në Trashëgiminë Botërore të UNESCO-s.
Në vendimin e Sesionit e 47 të mbajtur ne Korrik 2025, UNESCO përfshirja e Ohrit në Listën e Trashëgimisë Botërore në Rrezik u shty për sesionin e radhës që mbahet ne Seul ne Korrik 2026, me kushtin që dy vendet deri ne 1 Shkurt 2026 të përgatisnin një Plan të detajuar për zbatimin e Strategjisë për Rivitalizimin e liqenit te Ohrit si Trashëgimi Botërore, e cila do ndërpriste dëmtimin e rëndë të pasurive natyrore dhe kulturore të sitit, ndalimin e ndërtimeve afër liqenit si dhe pezullimit menjëherë të aktiviteteve ndërtimore deri ne hartimin e raporteve për vlerësimin e ndikimit ne mjedis si trashëgimi botërore te tyre.
Tashmë ka nisur numërimi mbrapsht drejt 1 shkurtit, datë kur qeveritë maqedonase dhe shqiptare duhet të dorëzojnë raportin e tyre mbi masat e marra në Qendrën e Trashëgimisë Botërore, por mendoj se përfshirja në Listën e Trashëgimisë Botërore në Rrezik është “shansi i fundit” për të shpëtuar Liqenin e Ohrit.
