VNA dhe media të tjera prej ditësh kanë zbuluar skandalin e përpunimit dhe transportimit të mbejteve toksike nga Porti i Durrësit. Këto zhvillime duket se nuk kanë lënë indiferentë qytetarët, të cilët të pyetur përmes një sondazhi nga z.Eduard Zaloshnja drejtojnë gishtin e përgjegjësisë ndaj institucioneve shtetërore për mungesën e veprimit dhe mos kryerjen e kontrolleve.
Kështu, Zaloshnja shkruan se :"Pas sinjalizimit të një shoqate ndërkombëtare rreth transportimit nga Shqipëria të mbetjeve toksike, këtu ka shpërthyer një stuhi mediatiko-politike. Por çfarë opinioni kanë banorët e rritur të Shqipërisë rreth këtij skandali?
Për t’u përgjigjur kësaj pyetje zhvillova një sondazh në 24 orët e fundit, duke e dërguar linkun e pyetësorit me 2000 SMS krejt të rastësishme në të gjithë territorin e Shqipërisë (1187 banorë të rritur e klikuan linkun e pyetësorit të dërguar me SMS dhe e plotësuan atë, ndërkohë që kampionin e ripeshova statistikisht për t'a përfaqësuar elektoratin e këtushëm sa më mirë gjeografikisht, demografikisht dhe politikisht).
Pyetja kryesore në sondazh ishte: “Nga sa keni lexuar e dëgjuar për skandalin e mbetjeve toksike, mbi kë mendoni se bie përgjegjësia kryesore: Kompanitë private të përfshira në të, apo Institucionet Shtetërore që i mbikqyrin ato?”
