Pas shkrimit te publikuar dje rreth mesditës nga VNA mbi reagimet e qeverisë dhe faktorëve opozitarë për transportin e mbetjeve të dyshuara toksike ka reaguar Lëvizja BASHKË e Arlind Qorit.
Lidhur me reagimin e këtij grupimi për këtë çështje,VNA raportoi dje gjatë ditës se “Arlind Qorri i lëvizjes “Bashkë” ka reaguar në Facebook kundër ligjit për mbetjet ( importin ). Përmend dhe skandalin e mbetjeve por jo kompaninë prodhuese”- çka është një fakt lehtësisht i verifikueshëm me një vëzhgim të rrjeteve sociale të partisë dhe vetë Arlind Qorit.
Përfaqësues të këtij grupimi kanë reaguar sot me fyerje ndaj VNA sepse sipas tyre ata kanë reaguar më shumë se ç’raporton shkrimi ynë. Në fakt postimet e tyre janë publike dhe çdokush mund ti verifikojë lehtësisht. Që një intervistë me Arlind Qorin e publikuar në kanalin e partisë në Youtube të merret dhe të transmetohet vetëm dje në darkë si reagim live, kjo është më se paku e pavërtetë dhe manipulim. Reagim do të thotë qëndrim zyrtar i një partie, i një levizjeje apo i një individi që ka qëndrime të qarta për skandalet që ndodhin në këtë vend.
Gjithsesi traktet me sulme kundër një portali që ka qenë nga të parët që ka zbuluar dhe investiguar këtë skandal janë tregues i qartë që shkrime të tilla vlejnë për të nxitur reagim. Që dhe pse nuk është i duhuri, më së paku kanë vënë në lëvizje një parti që pretendon të jetë aktive në zgjedhjet e ardhshme.
Populli thotë “më mirë vonë se kurrë”.
