Javët e fundit Gjykata Kushtetuese është përfshirë në një skandal që në qendër ka një prej anëtarëve të tij, i kapur në komunikime me përmbajtje intime me një nga vartëset e tij.
Mesazhet kanë qarkulluar në publik, edhe pse mbetet ende e paqartë, sesi kanë dalë nga telefonat celularë të dy protagonistëve. Ky episod ka shkaktuar një furtunë brenda gjykatës dhe debate, pasi fakti që një prej gjyqtarëve I përfshirë në këtë aferë mund të jetë lehtësisht i shantazhueshëm nga polita, krimi apo bota e biznesit, njëherazi bën që vendimmarrjet e gjykatës të paragjykohen. Ndërsa debati për këtë cështje, po diskutohet tashmë edhe në public, ka zëra që thonë se gjyqtari është duke menduar dorëheqjen. Por derisa kjo të ndodhë, mbeten thjeshtë zëra. Fakt, është që pak ditë më parë, gjyqtarja Elsa Toska dha dorëheqjen nga detyra. Gjykata Kushtetuese sipas ligjit njoftoi dje (e martë) përfundimin e mandatit të gjytares kushtetuese. Ikja e saj, e redukton numrin e gjyqtarëve në 8 të tillë. Por, nëse ndodh që edhe gjyqtari tjetër i përfshirë në skandal të largohet, situata në Kushtetuese, bëhet shqetësuese. Kjo sepse që një vendim I Gjykatës Kushtetuese të ketë fuqi duhet të ketë votat e 5 gjyqtarëve. Në të kundërt vendimi konsiderohet nul, edhe nëse merr 4 vota në favor. Fakt është që deri më tani Kushtetuesja nuk ka treguar ndonjë vullnet apo të ketë marrë vendime të forta kundër maxhorancës. Megjithatë, reduktimi I numrit të gjyqtarëve, mund ta cojë këtë institucion në një tjetër problematikë. Pamundësinë për të marrë vendime për cështje të rëndësishme që janë bërë gati për tu shqyrtuar.
