Banorët e luginës së lumit të Vlorës protestuan sërish në Kuç kundër ndërtimit të ujësjellësit të Himarës, që rrezikon t'a thajë lumin Shushica.
Ata ndaluan përkohësisht punimet dhe ngritën një çadër për të monitoruar situatën. Aktivistët theksojnë se ndërtimi në një Park Kombëtar është i paligjshëm dhe kërcënon ekosistemin.
Një protestë e ngjashme ndodhi edhe në Tragjas, ku banorët kundërshtojnë një ujësjellës që synon të marrë ujë nga lumi Izvor për zonat turistike në Jalë, Palasë dhe Dhërmi.
